Kailan at Paano mo sinimulan ang iyong paglalakbay patungo sa Islam?

Ito ay noong 1989 nang ako, kasama ang aking kapatid na babae, ay nagsagawa ng paglilibot sa ilang mga bansa sa Gitnang Silangan Sa aming pamamalagi sa Bahrain, binigyan kami ng maligayang pagdating. Nagkataon na nakilala ko ang ilang mga bata doon at nakakuwentuhan sila. Nagbigay ako ng ilang mga katanungan sa kanila at sinuklian nila ako ng kanilang mga inosenteng tanong. Sa panahon ng pakikipag-ugnayang ito, nagtanong sila tungkol sa aking relihiyon. Sinabi ko sa kanila, "Ako ay isang Kristiyano." Tinanong ko sila, kung ano ang kanilang relihiyon. Isang alon ng katahimikan ang sumakop sa kanila. Tumugon sila sa iisang tinig: Islam. Ang kanilang masigasig na sagot ay nakapanginig mula sa aking loob. Pagkatapos ay sinabi nila sa akin ang tungkol sa Islam. Binigyan nila ako ng impormasyon, marami para sa kanilang edad. Isinasaad sa tinis ng kanilang boses na kanilang lubos na ipinagmamalaki ang Islam. Dito nagsimula ang aking paglalakbay patungo sa Islam.

Ang isang napaka-ikling pakikipag-ugnayan sa isang pangkat ng mga bata ang nag-akay sa akin na magkaroon ng mahabang diskurso tungkol sa Islam sa mga iskolar na Muslim. Sobrang napukaw nito ang aking kamalayan. Sinubukan kong pakalmahin ang aking sarili na walang nangyari ngunit hindi ko na maitago ang katotohanang ito mula sa aking sarili na sa aking puso ay nagbalik-loob ako sa Islam. Ito ay una kong inihayag sa aking kaibigang pamilya, si Qunber Ali. Ang parehong Qunber Ali na gumawa ng paraan para dalhin ako sa Riyadh, kapital ng Saudi Arabia. Hanggang sa oras na iyon, hindi ko alam ang karamihan tungkol sa Islam. Mula roon, sa pagsama ko sa isang pamilyang Taga-saudi, nagpatuloy ako sa Mecca para sa pagsasagawa ng "Umrah" [Ang isang mas maliit na uri ng paglalakbay na isinasagawa sa Mecca]. Doon ko ipinahayag sa publiko ang kauna-unahang pagkakataon na naging Muslim ako.

Ano ang iyong naramdaman pagkatapos mong ipahayag na ikaw ay isa ng Muslim?

Sa pagyakap ko sa Islam, naramdaman kong muli akong ipinanganak. Natagpuan ko sa Islam ang mga sagot sa mga tanong na hindi ko nasumpungan sa Kristiyanismo. Lalo na, ang Islam lamang ang nagbigay ng kasiya-siyang sagot sa tanong na may kaugnayan sa pagsilang ni Kristo. Sa kauna-unahang pagkakataon ay nakumbinsi ako sa relihiyon mismo. Ipinagdarasal ko na sana ikatuwa ng aking pamilya ang mga katotohanang ito. Ang aking pamilya ay tagasunod ng kulto ng Kristiyanismo na kilala bilang AVENDANCE of JEHOVA (Jehovah’s Witness). Ayon sa mga paniniwala nito, 144,000 na tao lamang ang makakapasok sa paraiso. Paano? Ito ay palaging nananatiling isang nakakabagabag na paniniwala para sa akin. Nagulat ako nang malaman na ang Bibliya ay itinala ng napakaraming kalalakihan, lalo na tungkol sa isang edisyon na isinulat ni King James. Nagtataka ako kung ang isang tao ay nag-iipon ng isang direktoryo at pagkatapos ay iniuugnay ito sa Diyos, ngunit hindi siya ganap na sumunod sa mga direksyon na ito. Sa aking pananatili sa Saudi Arabia, nagkaroon ako ng pagkakataon na bumili ng isang cassette na inilabas ng British pop-singer at ang kasalukuyang pastor ng Muslim na si Yusuf Islam (dating Cat Stevens).Marami rin akong natutunan mula rito.

Ano ang nangyari nang bumalik ka sa US matapos yakapin ang Islam?

Nang bumalik ako sa USA, ang media ng Amerika ay nag-orkestra ng napakasamang propaganda laban sa Islam at sa mga Muslim. Ang mga tsismis ay umabot sa akin at talagang gumugulo sa aking kapayapaan sa pag-iisip. Ang Hollywood ay pursigidong siraan ng puri ang mga Muslim. Sila ay pinapakita bilang mga terorista. Maraming mga bagay na kung saan nagkakasundo ang Kristiyanismo at Islam, at ang Quran ay itinuturing ang Banal na Kristo bilang isang banal na Propeta. Kaya, nagtataka ako, bakit binabanggit ng mga Kristiyano sa Amerika ang walang basehan na mga paratang laban sa mga Muslim?

Ginawa ako nitong mapanglaw. Nagdesisyon ako na gagawin ko ang aking makakaya upang maalis ang maling imahe sa mga Muslim, na inilalarawan ng midya ng Amerika. Wala akong ideya ni kaunti na ang midya ng Amerika ay hindi tatanggapin ang balita ng aking pagtanggap ng Islam at gagawa ng malaking kaguluhan. Ito ay halos pagkilos laban sa lahat ng mataas at napapublikong mga paghahabol tungkol sa kalayaan ng pagpapahayag at kalayaan ng budhi.Kaya't ang pagkukunwari ng lipunang Amerikano ay lumitaw at nakalatag sa aking harapan.Tinanggal ng Islam ang buhol ng maraming komplikasyon para sa akin. Sa katunayan, naisip ko ang aking sarili bilang isang kumpletong tao, sa literal na kahulugan ng salita.Matapos akong maging Muslim, nakaramdam ako ng malaking pagbabago sa akin. Itinapon ko ang lahat ng bagay na ipinagbabawal sa Islam.Ito rin ay nagdulot ng pagpapahirap sa aking pamilya. Sa madaling salita, ang pamilyang Jackson ay nadapa nang sama-sama. Ang mga nagbabantang liham na nagsisidatingan, na lalong nagpatindi sa pag-aalala ng aking pamilya.

Anong uri ng mga banta?

Sasabihin nila sa akin na pinalaki ko ang poot ng lipunan at kultura ng Amerika, sa pamamagitan ng pagpasok sa Islam, tinanggal mo ang iyong sarili sa karapatang mamuhay kasama ang iba. Gagawin NAMIN na napakahirap ang buhay mo sa Amerika at iba pa. Ngunit ipagtatapat ko na ang pag-iisip ng aking pamilya ay malawak. Pinahahalagahan namin ang lahat ng mga relihiyon. Ang aming mga magulang ay sinanay at inayos kami ng ganoong paraan. Samakatuwid, maaari kong sabihin na ang pamilyang Jackson ay nasisiyahan sa mahusay na kaugnayan sa mga taong kabilang sa halos lahat ng mga relihiyon. Ito ang resulta ng pagsasanay na iyon na ako ay pinahihintulutan nila hanggang ngayon.

Ano ang reaksyon ng kapatid mong si Michael Jackson?

Pagbalik ko sa Amerika, nagdala ako ng maraming mga libro mula sa Saudi Arabia. Hiningi ni Michael Jackson sa akin ang ilan sa mga librong ito para sa pag-aaral. Bago ito, ang kanyang opinyon ay naiimpluwensyahan ng propaganda ng midya ng Amerika laban sa Islam at ng mga Muslim. Hindi siya labag sa Islam, ngunit hindi rin siya pabor sa mga Muslim. Ngunit matapos basahin ang mga librong ito, siya ay walang-imik at hindi nagsasalita laban sa mga Muslim. Sa palagay ko marahil ito ang epekto ng kanyang pag-aaral ng Islam na inilihis niya ang kanyang mga interes sa negosyo sa mga negosyanteng Muslim. Ngayon, siya ay may pantay na mga bahagi sa bilyonaryong prinsipe ng Saudi Al-Waleed ibn Talal sa kanyang multi-nasyonal na kumpanya.

Nasabi noon na si Michael Jackson ay laban sa mga Muslim, pagkatapos ay may mga alingawngaw na siya ay naging Muslim. Ano ang totoong kwento?

Pinapatunayan ko ang katotohanang ito, kahit papaano ay wala sa aking kaalaman na si Michael Jackson ay nagsabi ng anumang masama laban sa mga Muslim. Ang kanyang mga kanta, ay nagbibigay din ng mensahe ng pag-ibig para sa iba. Natutunan namin mula sa aming mga magulang na mahalin ang iba. Tanging ang mga may sariling interes lamang nagpukol ng mga paratang na ito sa kanya.Kung may isang masamang pag-aalsa laban sa akin noong ako ay naging Muslim, bakit hindi din laban kay Michael Jackson. pero, sa ngayon, hindi pa siya isinasailalim ng midya sa masamang pagpuna, bagama't siya ay pinagbantaan sa kanyang paglapit sa Islam.Ngunit sino ang nakakaalam kung ano ang mangyayari kapag niyakap na ni Michael Jackson ang Islam.

Ano ang mga pananaw ng mga miyembro ng iyong pamilya tungkol sa iyo?

Nang bumalik ako sa Amerika, narinig ng aking ina ang balita ng aking pagbabalik-loob sa Islam. Ang aking ina ay isang relihiyoso at sibilisadong babae. Nang makarating ako sa bahay, nagsabi lamang siya ng isang katanungan, "biglaan ba ang desisyon na ito, o ito ang kinahinatnan ng ilang malalim at mahabang pag-iisip sa likod nito?" "Nagpasya ako pagkatapos ng maraming pag-iisip," sagot ko, sasabihin kong kilala kami bilang isang relihiyosong pamilya.Anuman ang mayroon tayo, ay dahil sa pagpapala ng Diyos. Kung gayon bakit hindi tayo dapat magpasalamat sa Kanya?Ito ang dahilan kung bakit aktibo kami na nakikilahok sa mga institusyong kawanggawa.Napapadala kami ng mga gamot sa mahihirap na mga bansa sa Africa sa pamamagitan ng mga espesyal na sasakyang panghimpapawid.Sa panahon ng digmaang Bosnia, ang aming sasakyang panghimpapawid ay nakikipagtulungan sa pagbibigay ng mga tulong pantustos sa [naapektuhan].Kami ay sensitibo sa mga ganoong bagay dahil nasaksihan namin ang kahirapan. Dati kaming nakatira sa isang bahay na kung saan ay ilang metro kwadrado lamang ang luwag.

Kinausap mo ba tungkol sa Islam ang iyong kapatid na pop star na si Janet Jackson?

Tulad ng ibang mga miyembro ng aking pamilya, ang aking biglaang pagbabalik-loob sa Islam ay isang malaking sorpresa para sa kanya. Sa simula, nag-aalala siya. Ang nakalagay lamang sa kanyang ulo ay isang bagay na ang mga Muslim ay nag-aasawa ng higit sa isa, mayroon silang halos apat na asawa. Nang ipinaliwanag ko ang pahintulot na ito na ipinagkaloob ng Islam na may sanggunian sa estado ng kasalukuyang lipunang Amerikano, nasiyahan siya.Ito ang katotohanan na ang pagkawalang delikadesa at pagtataksil ay napaka-pangkaraniwan sa lipunan ng kanluran.Sa kabila ng katotohanan na sila ay may-asawa, ang mga kalalakihan sa kanluran ay nasisiyahan sa pakikipagtalik ng labas ng kasal sa ilang ng mga kababaihan.Nagdulot ito ng pagkawasak at pagkabulok ng moral sa lipunan na iyon. Pinoprotektahan ng Islam ang lipunan mula sa pagkawasak na ito.

Tulad ng bawat katuruan ng Islam, kung ang isang lalaki ay emosyonal na naaakit sa isang babae, dapat niyang bigyang dangal ang relasyon na ito at gawing ligal kung hindi ay dapat siya makontento sa isang asawa lamang. Sa kabilang banda, inilatag ng Islam ang napakaraming mga kondisyon para sa ikalawang pag-aasawa na sa palagay ko ay hindi kayang pangatawanan ng isang ordinaryong Muslim ang mga kondisyong ito sa pananalapi. Halos wala pa sa isang porsyento ng mga Muslim sa mundo ng Islam ang may asawa na higit sa isa. Sa aking pananaw, ang mga kababaihan sa lipunang Islam ay tulad ng isang protektadong bulaklak na ligtas mula sa ligaw na tumatagos na mga tingin. Samantalang ang lipunan sa kanluran ay wala sa pangitain upang pahalagahan ang karunungan at pilosopiya na ito.

Ano ang iyong kusang nararamdaman kapag tinitingnan mo ang lipunang Muslim?

Para sa kalakhang interes ng sangkatauhan, ipinapakita ng lipunang Islam ang pinakaligtas na lugar sa planeta na ito. Halimbawa, kunin ang halimbawa ng mga kababaihan. Ang mga babaeng Amerikana ay nakasuot ng kanilang kasuutan sa paraang nagbibigay ng tukso sa kalalakihan para sa pagsasamantala.Ngunit malayong mangyari sa isang lipunang Islam.At saka, ang laganap na mga kasalanan at bisyo ang sumisira sa moral ng lipunan sa kanluran.Naniniwala ako na kung may lugar pang na naiiwan kung saan nakikita pa rin ang pagkatao, hindi ito makikita sa iba maliban sa isang lipunang Islam. Darating ang oras kung kailan obligado ang mundo na tanggapin ang katotohanang ito.

Ano ang iyong opinyon tungkol sa medya ng Amerika ?

Ang midya ng Amerikano ay nagdurusa sa mga pagsasalungat sa sarili. Kunin natin ang halimbawa ng Hollywood. Ang katayuan ng isang artista ay sinusukat dito at pinapansin ang modelo ng kanyang kotse, ang pamantayan ng restawran na binisita niya, atbp. Ito ang midya na nagtaas sa isang tao mula sa alikabok hanggang sa kalangitan.Hindi nila iniisip ang artista bilang isang tao. Ngunit marami akong nakilalang mga artista sa Gitnang Silangan. Wala sa kanila ang wala sa lugar na pagmamataas.

Tingnan na lamang ang CNN, ginagawa nila ang pagmamalabis tungkol sa ilang mga balita na lumalabas na parang wala nang ibang nangyari maliban sa pangyayaring iyon sa mundo. Ang balita ng apoy sa mga kagubatan ng Florida ay binigyan ng malawak na saklaw dahil binigyan nito ang impresyon na nasunog ang buong mundo. Sa katunayan, ito ay isang maliit na lugar, na apektado ng apoy na iyon.

Nasa Africa ako, nang maganap ang pagsabog ng bomba sa lungsod ng Oklahoma. Ang Midya, kahit na walang anumang katibayan, ay nagsimula ng pahiwatig sa pagkakasangkot ng mga Muslim sa pagsabog na iyon. Kalaunan natuklasan na ang nanabotahe ay isang KRISTIYANO!!! Maaari nating tawagin ang saloobin na ito ng midya ng Amerika bilang sinasadyang kamangmangan.

Maaari mo bang mapanatili ang isang ugnayan sa pagitan ng iyong maka-islamikong pagkatao at ang kultura ng iyong pamilya?

Bakit hindi? Ang koneksyon na ito ay maaaring mapanatili para sa pagkamit ng magagandang bagay.

Matapos maging Muslim, nakita mo ba si Muhammad Ali?

Si Muhammad Ali ay kaibigan ng aming pamilya. Ilang beses ko siyang nakita, pagkatapos yakapin ang Islam. Nagbigay siya ng kapaki-pakinabang na patnubay tungkol sa Islam.

Napuntahan mo na ba ang moske ng Shah Faisal sa lungsod ng Los Angeles?

Oo naman! Ito ay isang magandang moske. Ako ay interesado na magtayo ng isang katulad nito na moske sa Falise dahil walang mga moske sa lugar na ito at ang pamayanan ng Muslim ay walang sapat na mapagkukunan upang bumili ng isang piraso ng lupa para sa isang moske sa naturang lugar. Sa kapahintulutan ng Diyos, gagawin ko ito.

Sino ang walang alam sa mga serbisyo ng Saudi Arabia para sa maluwalhating layunin ng Islam?

Walang alinlangan na tahimik nitong tinustusan ang mga proyekto sa mga moske. Ngunit ang Amerikanong medya na ito ay hindi pinatawad kahit na ang Saudi Arabia; nagkakalat ito ng mga kakaibang balita tungkol sa bansang ito. Noong una kong bisitahin ang Saudi Arabia, mayroon akong impresyon na mayroon lamang mga maputik na kabahayan at isang napakahinang network ng komunikasyon. Ngunit nang makarating ako roon, sa aking sobrang pagkagulat, natagpuan ko ito na may pinakamagagandang kulturang bansa sa buong mundo.

Sino ang nakakaimpluwensya sa iyo, hanggang ngayon sa Islam?

Maraming tao ang hinahangaan ko. Ngunit ang katotohanan ay ang una kong nililingon o iniidolo ay ang Banal na Quran, upang sa ganoon ay hindi ako makagawa ng isang peligro na ako ay maligaw ng landas. Gayunpaman, maraming mga iskolar ng Islam na maaaring ipagmalaki. Sa kapahintulutan ng Diyos, plano kong pumunta sa Saudi Arabia kasama ang aking pamilya upang maisagawa ang Umrah.

Ang iyong asawa at mga anak ay Muslim din?

Mayroon akong pitong anak na lalaki at dalawang anak na babae na, tulad ko, ay ganap na nakatuon sa Islam. Ang asawa ko ay nag-aaral pa rin ng Islam. Iginigiit niya ang pagpunta sa Saudi Arabia. Nagtitiwala ako na InshaAllah [Sa kapahintulutan ng Diyos], siya ay malapit nang umanib sa Islam. Nawa’y bigyan kami ng Makapangyarihang Diyos ng lakas ng loob at tiyaga upang manatili sa totoong relihiyon na ito, ang Islam. (Ameen)